بسم الله ...
انهاردة فجأة قررت أنشاء مدونة .. و دي كانت حاجة نفسي اعملها من اكتر من سنة .. لكن منعني الكسل على شوية احباط .. احباط ليه ؟؟ ليه ؟؟ معقول ده سؤال ؟
بس حقولك ليه : عشان كان في عدد لا يعد و لا يحصى من المدونات و في كل المجالات و منهم نجحوا و نشروا كتب و اتعملوا مسلسلات كمان .. اينعم ده مش هدفي .. بس اهو من كترهم قلت لنفسي دي زيطة , ايه اللي يخليني جزء منها .. كمان اللي كنت حكتبه كان حيبقى في شكل تلقيح كلام, سياسي بقى على اجتماعي على ادبي و اكيد حيكون فيه شوية كلام عن العمارة و الفنون- بحكم المهنة يعني-
و مش حدعي على نفسي موهبة كتابة و من اللي جاي حيبان اني بكتب زي ما بتكلم !! و بالنسبة لي العالم الافتراضي ده زي "my personal diary " كدة .. حاجة بعبر فيها عن نفسي و يومي و احلامي ..الخ عشان لما اجي اقرأها بعد 20 سنة اضحك على نفسي شوية .
و من ضمن الحجات اللي كان نفسي ادونها حكاياتي مع سواقين التاكسي , مع مهندسين مراقبة الجودة في المصنع (اللي كنت بشتغل فيه) , مع موظفين لما كنت اضطر اروح مصلحة حكومية.
كمان افكار كتير نفسي اشوفها في بلدي زي مثلا ان البلكونات و الاسطح بدل ما تكون مكان للكراكيب تتحول لحديقة صغيرة , او ان مباني السفارات بتاعتنا في العالم تبقى حدوتة معمارية ..
واكتب عن عيلتي و امي و ابويا و جوزي و اكتب عن يوم ما اميرة اتولدت .. و عن شقاوة الطفولة و عن ذكريات المدرسة و ايام الجامعة .... يااااه بجد عندي كتير ادونه.
و الاهم كنت عاوزة اكتب عن جمال بلدي و عن مشاكلها .. عاوزة اكتب رسايل كتييير في قلبي لوطني و زادت بعد اما اضطريت اسافر اعيش في بلد تانية .
بس مكنتش بكتب .. عشان كان فيه الاف بيكتبوا و بعترف ان كانت وجهت نظري فيهم انهم مهما كتبوا لا حياة لمن تنادي !!! بس كنت غلطانة جدا و بعتذر و من قلبي لانهم كانوا صح و مفقدوش الامل رغم المرمطة اللي شافها كتير منهم
يوم 25 يناير حسيت انه ان الاوان اكتب رسالة اعتذار للوطن ... يمكن ما عملتش ده بشكل مباشر لكن كان باين في اللي كنت بكتبه على الفيس بوك و تويتر و قررت اني لن اسكت تاني و لن افقد الامل في ان ارى وطني اعظم البلاد حتى و ان كان ما اقدمه هو الكلمة فالكلمة نور و حق.
المهم اشمعنا انهاردة قررت اكتب و ادخل دنيا التدوين ؟؟ الاجابة ببساطة عشان بكرة الجمعة 27 مايو .
والموضوع ده عاوزلوا صفحات لوحده
انهاردة فجأة قررت أنشاء مدونة .. و دي كانت حاجة نفسي اعملها من اكتر من سنة .. لكن منعني الكسل على شوية احباط .. احباط ليه ؟؟ ليه ؟؟ معقول ده سؤال ؟
بس حقولك ليه : عشان كان في عدد لا يعد و لا يحصى من المدونات و في كل المجالات و منهم نجحوا و نشروا كتب و اتعملوا مسلسلات كمان .. اينعم ده مش هدفي .. بس اهو من كترهم قلت لنفسي دي زيطة , ايه اللي يخليني جزء منها .. كمان اللي كنت حكتبه كان حيبقى في شكل تلقيح كلام, سياسي بقى على اجتماعي على ادبي و اكيد حيكون فيه شوية كلام عن العمارة و الفنون- بحكم المهنة يعني-
و مش حدعي على نفسي موهبة كتابة و من اللي جاي حيبان اني بكتب زي ما بتكلم !! و بالنسبة لي العالم الافتراضي ده زي "my personal diary " كدة .. حاجة بعبر فيها عن نفسي و يومي و احلامي ..الخ عشان لما اجي اقرأها بعد 20 سنة اضحك على نفسي شوية .
و من ضمن الحجات اللي كان نفسي ادونها حكاياتي مع سواقين التاكسي , مع مهندسين مراقبة الجودة في المصنع (اللي كنت بشتغل فيه) , مع موظفين لما كنت اضطر اروح مصلحة حكومية.
كمان افكار كتير نفسي اشوفها في بلدي زي مثلا ان البلكونات و الاسطح بدل ما تكون مكان للكراكيب تتحول لحديقة صغيرة , او ان مباني السفارات بتاعتنا في العالم تبقى حدوتة معمارية ..
واكتب عن عيلتي و امي و ابويا و جوزي و اكتب عن يوم ما اميرة اتولدت .. و عن شقاوة الطفولة و عن ذكريات المدرسة و ايام الجامعة .... يااااه بجد عندي كتير ادونه.
و الاهم كنت عاوزة اكتب عن جمال بلدي و عن مشاكلها .. عاوزة اكتب رسايل كتييير في قلبي لوطني و زادت بعد اما اضطريت اسافر اعيش في بلد تانية .
بس مكنتش بكتب .. عشان كان فيه الاف بيكتبوا و بعترف ان كانت وجهت نظري فيهم انهم مهما كتبوا لا حياة لمن تنادي !!! بس كنت غلطانة جدا و بعتذر و من قلبي لانهم كانوا صح و مفقدوش الامل رغم المرمطة اللي شافها كتير منهم
يوم 25 يناير حسيت انه ان الاوان اكتب رسالة اعتذار للوطن ... يمكن ما عملتش ده بشكل مباشر لكن كان باين في اللي كنت بكتبه على الفيس بوك و تويتر و قررت اني لن اسكت تاني و لن افقد الامل في ان ارى وطني اعظم البلاد حتى و ان كان ما اقدمه هو الكلمة فالكلمة نور و حق.
المهم اشمعنا انهاردة قررت اكتب و ادخل دنيا التدوين ؟؟ الاجابة ببساطة عشان بكرة الجمعة 27 مايو .
والموضوع ده عاوزلوا صفحات لوحده
ليست هناك تعليقات:
إرسال تعليق