كذا يوم مروا عليا الان ... كل يوم افتح المدونة و اقرر اكتب عن المر اللي احنا شربينه اليومين دول لكن اجد نفسي فاتحة فمي و متنحة و كم افكار رايح جاي في راسي و مش عارفة ابدأ منين و خصوصا مع الاخبار و الاحداث المتلاحقة و زاد عليها نوع التعليقات اللي اصبحت اقرأه او اسمعه من الناس - اقربها واحد واقف عند البقال و بيقول بعلو حسه انا بس يماسكوني ريس سنة و بعون الله البلد مش حيفضل فيها الا 20 مليون بس !!! و احنا اللي كنا ظالمين مرتضى منصور ده طلع مبتدأ بالنسبة للناس دي!-
المهم بما اني مش عارفة اكتب على ايه ولا ايه حنمسكهم واحدة واحدة و الله الموفق و المستعان :
1- البيان 69
بذمة النبي ده كلام ؟؟ في حد عاقل او حتى نص عاقل يطّلع بيان بالمحتوى ده - ده ناقص يقولوا سيب اللعبة بتاعتي-
عموما لن احلل و اتكلم عن العبث و النية السوداء اللي ورا البيان (و الي كانت ورا الصباع )و لكن سأكتفي بان ابدي موقفي المؤيد و المنحاز لشباب 6 ابريل الذين هم من كانت لهم القدرة الوقوف في وجه النظام في عز مجده و لا يحملون بندقية و لا راكبين دبابة و لم يجلسوا يوما في الصفوف الاولى مصفقين للنظام او صمتوا على الحق صمت الشياطين
هذا البيان صدر عن الحركة قبيل اصدار الاعلان (و من غير نظرية مؤامرة الحدق يفهم)
و ايه علشان تكمل المهزلة -على شاكلة تحليلات احمد "زبايدر"- ظهرت مقالات تندد و تحلل حقيقة 6 ابريل العملاء الصربيين !!!!
و بالمناسبة يا سيادة المشير احب افكرك بالصورة دي
----->
و بالمناسبة برضه :
- شباب 6 ابريل او اي واحد بيقول رأيه بحرية مفيش ف ايده سلاح و لا هو محتمي بمنصب و لا نافق النظام في عز قوته و جلس في الصفوف الاولى يصفق له
- هدف من يقول رأيه او يعبر عن غضبه مما يحدث لا هم له الا مصلحة البلد و لم يدعي حماية الثورة لهدف اوحد و إزاحة كابوس التوريث
2- دينا عبد الرحمن و اللواء كاطو
انسب تعليق على هذا الحدث مقال بلال فضل في التحرير
3- موقعة العباسية
الاحد - 23 يوليو
4-جمعة "وحدة الصف"
5-طنطاوي و الشهداء
قرر المشير - القائد الاعلى للقوات المسلحة - يا سلااااااامم !! لا كتر خيرك - بس للعلم بالشئ من اسباب قيام الثورة انه خلاص مش عاوزين فراعين تاني تغدق على الشعب و تذله بعطايا و نعم !!
(هذا البوست انشره كما هو "مسودة" - مع العلم اني بدأت كتابته يوم السبت 22 يوليو "و لم و لن "انتهي منه !!)
ليست هناك تعليقات:
إرسال تعليق